ناس كتير بتكتب محتوى وتحس إنه ناقص حاجة، كأن فيه عنصر غامض بيمنع المحتوى يوصل للناس زي ما هما عايزين، تفتكر إن ChatGPT هو الحل السحري اللي هيخليك تتواصل مع الناس بطريقة أفضل، وتحقق هدفك من المحتوى المكتوب؟ … طيب ازاي ممكن نعمل ده؟ وإيه سر الموضوع؟ 

 في المقالة دي هنتعلم ازاي نستخدم ChatGPT لكتابة محتوى فعال وسريع، بخطوات سهلة و نصائح عملية، وتوضيح بأمثلة حقيقية.

قصة واقعية حصلت معانا، وهي اننا كنا بنشتغل مع فريق تسويق في شركة كبيرة وبندربهم ازاي يكتبوا محتوى فعال ومؤثر، الفريق كان عنده فكرة عن أساسيات الكتابة، ولكنه كان بيواجه صعوبة في تحقيق النتائج المطلوبة، فقررنا نستخدم ChatGPT كجزء من التدريب، النتائج كانت مذهلة لأن الفريق قدر يحسن من كتابته بدقة وبسرعة ويوصلوا للنتائج اللي هما عايزينها، هقول لك عملنا إيه معاهم عشان يوصلوا لكده، وانا بحكيلك هتفهم وتعرف إيه اللي بيحصل لما بنستخدم ChatGPT بطريقة مدروسة.

كان القرار إن احنا نعالج المشكلة اللي عندهم واحنا بندربهم على استخدام ChatGPT في كتابة المحتوى، في الأول طلبنا منهم كتابة قطعة محتوى باستخدام معادلة من معادلات الكتابة اسمها P.A.S وهي Problem, Agitate, Solution أو المشكلة، وتأجيج المشاعر، أو تأجيج المشكلة تكبيرها في عينيهم يعني، و Solutionاللي هو الحل، واستخدمنا المعادلة دي لأنها كانت هتوضح لنا قد إيه الفريق فاهم عملائه، المشاكل اللي بتواجههم والحلول اللي بتقدمها الشركة بتاعتهم.

هي معادلة مهمة جدا قوية جدا زي ما قلنا في المقالة اللي فاتت إن P.A.S من المعادلات اللي بتكسب جوائز تقريبا كل سنة، هتلاقي لينك المقالة دي معانا في آخر المقالة.

ولكن ببساطة شديدة P.A.S اللي هي Problem, Agitate, Solution (المشكلة - التأجيج - الحل) إن احنا في الأول نشوف مشكلة من المشاكل اللي بيتأثر بيها العميل، نتكلم عليها، نوضح له المشكلة، وبعدين نخش في تأجيج المشكلة أو تأجيج المشاعر واللي هي بنكبرها يعني بنضلمها زي ما بيقولوا، وبعدين بنعرض الحل اللي احنا بنقدمه.

ثلاث مراحل واضحة، يسهل كتابتهم في المراحل الأولى من تعلم كتابة المحتوى أو كتاب المحتوى اللي ما عندهمش الكثير من الخبرة.

لما شفنا نتائج كتابة المعادلة اللي عملها الفريق كان واضح جدا إنهم مش فاهمين العميل بتاعهم كويس، ما عندهمش Layer Map خريطة طبقية للعميل المحتمل وتفصيل لرحله العميل، ازاى حلينا ده معاهم؟ … ده موضوع لمقالة تانى هنتكلم عنه.

هنتكلم أكثر عن ازاى عالجناهم؟ ازاى عالجنا الفريق من الموضوع ده، وأسسنا خطة وأسسنا استراتيجيات؟ مش بس كتاب المحتوى يمشوا عليها، باقى فريق التسويق كمان يمشي عليها.

لكن خلينا دلوقتى في ChatGPT، وازاي استخدمنا ChatGPT ؟… مرناهم على استخدام ChatGPT مع الـ P.A.S واحدة من معادلات كثيرة جدا، وقدروا يتطوروا، فتعالوا نشوف مثال على الفرق ما بين قبل وبعد.

خطوات بسيطة من ضمن خطوات كثيرة جدا هنتكلم عليها ونستدلها في مقالات كثيرة ولكنها البداية، فتعالوا نجرب ونشوف المثال، هنشوف دلوقتي الأمرين اللي احنا اديناهم لـ ChatGPT اللي هما الـ two Prompts اللي استخدمناهم وادناهم لـ ChatGPT والـ Prompt هنا هو الأمر أو التوجيه، وعلم أو فن صياغة الأوامر ده بقى إسمه prompt engineering أو هندسة الأوامر أو التوجيهات، بفروق بسيطة جدا ما بين الأوامر، هتختلف تماما النتيجة.

بنعمل إيه هنا الـ Prompt الأولاني اللي هو في الصوره ده، وموجود معاك في الشات في اللينك بتاعت الجزء ده، الشركة اللي احنا بنتكلم عليها دي بتقدم Gluten Free Baked Goods، يعني الشركة دي بتقدم منتجات مخبوزة خالية من الـجلوتين، فدي أول حاجة قلناها، قلنا إيه؟ قلنا له أنا عايز أنشئ قطعة محتوى باستخدام إيه؟ بإستخدام P.A.S اللي هي الـ Problem, Agitate, Solution، هستخدم قطعة المحتوى دي على فيسبوك، ونطلب منه نقوله هل يمكن انك تساعدنا؟… و لما هندوس Enter هنلاقيه عمل إيه؟ … هنلاقية خد المشكلة لوحدها وصفها، هو اختار مشكلة من المشاكل من دماغه مش مبنية على رحلة عميل، مش مبنية على إيه طلبك بالظبط، مش مبنية على نوع العميل بتاعك على سنة، وعلى Persona مش مبنية على أي حاجة، اللي هو اختار من دماغه، ليه؟ … لأن احنا مدينالوش المواصفات دي مدينالوش الـ criteria اللي يمشي عليها، فاختار مشكلة من المشاكل كبرها وبعدين حلها، فهو بيقول هنا إيه؟ إذا كنت تعاني من حساسية الـ Gluten، أو لديك أحد أفراد العائلة يعاني منها، فمن المحتمل انك تواجه صعوبة في الحصول على خيارات الطعام، فهو راح للناس اللي عندها صعوبة في إنها تلاقي Gluten Free، طب إيه تاني ممكن يبقى مشاكله؟ ممكن يبقى عنده مشكلة في إنه هو يلاقيه، ممكن عنده مشكلة في الـ Variations في التنوعات، أو إن Gluten Free ده يبقى في حاجات ثانيه، إن العيش نفسه أو المخبوزات نفسها دي تبقى Flavors مختلفة تبقى شهية، في مشاكل كتير ممكن تواجهه البني ادم اللي بيشترى ده، هو اختار واحدة منهم، وكل مرة هتسأله نفس السؤال هيطلعلك إجابة على مزاجه، لأن انت مش ضامن العوامل اللي هي مبنية عليها.

لما نيجي نبص على هنطور الموضوع ازاي؟… محتاجين نحط شوية تفاصيل، ندي ChatGPT شوية criteria شوية مواصفات، و ده مثال سريع على الموضوع، وفي مقالات مستقبلية هنناقش فيها ده وتفهمه بيتعمل ليه؟ وازاي؟ فلما تختلف الحالات تختلف الصناعات سواء كنت تكتب محتوى أو بتعمل خطة تسويقية، أو بتسألوا على حاجة في البزنس بتاعك بتخطط لأي حاجة جوا البزنس بتاعك، معظم الحاجات اللي لها علاقة بالأعمال وريادة الأعمال.

فتعالوا نبص هنا على الزيادة كانت إيه؟ …الإجابة أطول شويتين ثلاثة، طب احنا عملنا إيه؟ حددنا له أكتر احنا عايزين إيه؟ وقلنا له الشركة بتقدم إيه؟ المنشور عايزينه بلغة إيه؟ المواصفات بقى إن احنا بنتكلم على رحلة العميل، وإن احنا عايزين منشور لكل مرحلة من مراحل رحلة العميل.

ووصفنا له كمان إيه وجهة نظرنا في المشكلة، يختارها ازاي؟ التأجيج بيتم ازاي؟ اللي هو تأجيج المشاعر أو تأجيج المشكلة والحل يختاروا ازاي ويمشي عليه؟ فعمل إيه؟ راح كاتبلك منشور المرحلة المبكرة، المرحلة المتوسطة، المرحلة المتقدمة، كل اللي عملناه هنا إن احنا بس حددنا له إن احنا عايزين مرحلة من مراحل رحلة العميل أو جزء من أجزاء رحلة العميل أو يكتبلنا على كل مرحلة منشور.

كل كلمة آخر جملتين دول ليهم مقالة لوحدها، بعد 5,6 مقالات هتلاقي نفسك تقدر تستخدم ChatGPT بإتقان شديد، فاحنا مش هنقف هنا مكملين في المقالات، لحد ما تتعود على الموضوع وتمشي فيه، هيبقى عندك المحادثة دي كتبنا فيها إيه؟ واالملفات دي هتبقي موجودة، هتلاقي لينك دوس عليه.