يا ترى الذكاء الصناعي فعلا ممكن يحل محل كتاب المحتوى؟ ولا دي خرافة ثانية من خرافات التكنولوجي؟ النهاردة هنتكلم عن أكبر 6 خرافات منتشرة عن ChatGPT وكتابة المحتوى.

هنستعرض حقائق عن أكبر 6 خرافات في عالم كتابة المحتوى، علشان نعرف ازاي ChatGPT بيشتغل فعلا، وازاي نستفيد منه بشكل فعال واحنا بنتجنب السقوط في الخرافات دي.

هي الخرافة الأكثر انتشارا إن ChatGPT ممكن ينشأ أو ينتج محتوى فعال لوحده من غير أي تدخل بشري أو توجيه، لكن الحقيقة إن ChatGPT محتاج توجيه علشان ينتج محتوى عالي الجودة.

والمشكلة إن الناس المؤمنة بالخرافة دي لما بيروحوا لـ ChatGPT يطلبوا منه طلب أو يطلبوا منه إنه يكتب قطعة محتوى أو خطة أو أي نشاط تسويقي ويلاقوا النتيجة عامة أو قليلة الجودة بيبدأوا يأخذوا انطباع سيء وما يشتغلوش على ChatGPT ، ولكن المشكلة مش في إجابة ChatGPT العامة المشكلة انك ما اديتش ChatGPT تفاصيل أو إطار يمشي عليه في الـ Promptاللي انت بتديهوله، الطلب اللي انت بتعمله منه. تقولي طب انا ما اعرفش إيه الإطار ده ومعرفش أمشي عليه ازاي؟ ده اتكلمنا عليه في المقالة اللي فاتت وهي :

كيفية كتابة المحتوى التسويقي باستخدام الذكاء الاصطناعي Chat GPT4؟

اتكلمنا عن ازاي تعمل الأطر دي؟ ازاي تسأل السؤال ده؟ ولكن مهم هنا انك تعرف إن ChatGPT ممكن يطلع نتائج ممتازة ويكون بديل لموظف معاك.

لما تقول إن ChatGPT أو أدوات الذكاء الصناعي دي ممكن تحل محل كاتب المحتوى تماما أو المسوق أو الاستراتيجيست تماماً؟

هقولك الحقيقة إن ChatGPT مصمم كأداة مساعدة لتعزيز قدرات الإنسان، و ان في آخر تحديث لـ ChatGPT 4.0 عملوا موضوع الذاكرة وهو انك تقدر تحمل في الذاكرة بتاع ChatGPT وتطلب منه إنه يتذكر بعض الأشياء اللي تفيده في المستقبل، ودي من الأدوات الخطيرة وهنشرحها في مقالات جاية.

خرافة من الخرافات الحرجة وهي إن ChatGPT دقيق في المعلومة اللي بيقدمها أو عارف هو بيتكلم على إيه.

والحقيقة إن ساعات كتير جدا ChatGPT بيألف وده بنسميه هلوسة الذكاء الصناعي، لأن كثيراً كنا بنطلب من ChatGPT يعمل حاجات ونسأله على مصادرها ومنلاقيش مصادر للكلام ده، ويمكن دلوقتي في ChatGPT4.O الحكاية دي اتحسنت فيه كتير جدا، لانه كان بيخلينا نروح لـ Copilot أخوه الكبير، وناخد منه المصادر لإنه بيقول المصادر، أو نروح Gemini بتاع جوجل ونأخذ المصادر و بعدين نروح لـ ChatGPT لأن دلوقتي معروف وبالتجربة إن هو ( Creativity)، الإبداع عنده أعلى شوية أو شويتين من Gemini وساعات من Copilot رغم إن هما إخوات، وكمان شفنا ChatGPT بيصنع قصص عن شركات في المنطقة في الوطن العربي، وبيعمل أحداث تاريخية مش موجودة، وبيعمل رؤساء لدول مش موجودين.

خرافة بنسمعها كتير جدا انك ممكن تستخدم ChatGPT عشان تنتج محتوى ينفع للـ SEO لتطوير أو تحسين محركات البحث من غير ما يبص على المعلومة اللي موجودة في المقالة. وده بيرجعنا لأيام زمان لما كنا نحط Keywords كتير جدا عشان نضحك على جوجل وطبعا ده مع الوقت مبقاش بينفع. لان دلوقتي معروف تاريخيا إن الحكاية دي بقت بتعمل مشاكل كبيرة للمواقع.

السؤال المهم بعد تحديث ChatGPT الأخير اللي هو ChatGPT4.O هل ChatGPT بقى يقدر يحافظ على السياق في المحادثات الطويلة، بالذات بعد إضافة ميزة Memories بتاعة الذاكرة ودى من المميزات المهمه جدا والفعالة وبنستخدمها بشكل قوي ومن الحاجات اللي هنتكلم عليها في المقالة الجاية لإنها بتغير شكل استخدام ChatGPT في المحادثات الطويلة، لا زال ChatGPT ما بيقدرش يحفظ السياق، يقدر يحفظ الـ 20, 10 ,6 5, Memories اللي انت بتديهمله وتقوله افتكر بيهم أو افتكر الطريقة الفلانية أو الإطار الفلاني أو الإستراتيجية الفلانية اللي احنا بنشتغل فيها في المشروع ده فيقدر يفتكرها. ولكن الحقيقة إن بره Memories دي ChatGPT لا زال عنده مشكلة في الحفاظ على السياق، ChatGPT لما بتكتب حاجة وتقوله حولها عربي يكتب حاجة تانية خالص، لذلك التدخل البشري مهم جدا للحفاظ على السياق، وتأكد إن طلباتك من ChatGPT تكون مختصرة وواضحة، وليها مواصفات معينة.

الخرافة انك تقدر تاخد الـ Response بتاع ChatGPT وتستخدمه علطول. الحقيقة إنك لازم تراجعه لإن ممكن تلاقي مشكلة في السياق، أو في نغمة الصوت. ممكن تلاقية مألف حاجات لانه اكيد مش ملم بكل ما يتعلق بالعلامة التجارية بتاعتك، ممكن يقول حاجات عكس العلامة التجارية بتاعتك. لذلك تأكد وانت بتتعامل مع ChatGPT إنك تقرأ مرة واثنين وثلاثة، لإن كمان ممكن تلاقيه أثناء كاتبتة لقطعة يخاطب بها العميل بتاعك تلاقيه في نصها بيكلم المشتغلة، فخلي بالك وانت بتتعامل مع ChatGPT.

التحولات القادمة في استخدام ChatGPT

الخرافات اللي احنا بنتكلم عليها دي كثير منها هيتحول في القريب العاجل لإنها مش خرافات.

 ChatGPT هيكتسب القدرة على إن هو يمشي في التسلسل، وينتج حاجات ليها تون عاطفي تقدر تلمس مشاعر الناس.

التحديثات اللي موجودة دلوقتي واللي بدأت تبقى موجودة عند الناس فيها مواصفات هتتعامل مع الخرافات دي وتحولها من خرافة إلى حقيقة، ولكن الخوف إن ChatGPT يقدر يحل محل الكثير من الوظائف، ويبقى عضو من أعضاء الفريق ف لو انت من الناس المهددة إن ChatGPT ياخذ مكانها هأقولك حاجة مهمة جدا وهي إن ChatGPT لما هياخد مكان الناس هيحتاج حد يشغله، حد يوجهه، فخليك انت الحد اللي بيوجهه ده، لو انت لسه ما اشتغلتش بيه أو لسه مش دارسه أو مش عارف تتعامل مع أدوات الذكاء الصناعي ChatGPT, Copilot, Gemini وغيرهم من الأدوات الكثيرة، لازم تلحق تعمل كده لإن لما هيحل محلك هتيجي مكانه وظيفة جديدة وهو الشخص اللي هيشغله، الشخص اللي هيديله الـ Prompts وده هيبقى Prompt Engineer ملم بكل مجال.

لو عايز تعرف أكتر عن ازاي تستخدم ChatGPT في كتابة المحتوى والتسويق وتطوير عملك البيزنس بتاعك عموما والتخطيط، عندنا مقالة اتكلمنا فيها عن الموضوع ده،
كيفية كتابة المحتوى التسويقي باستخدام الذكاء الاصطناعي Chat GPT4؟